Douvoordag staan die kryger wag,
Op die grenspos tussen wild en woning.
'n Blaar ritsel in die bos - vyand of kos?
'Soms bring die wind 'n verandering van koning.'
Filosofie staan op sy.
Geweerloop kom by.
Sneller rus teen 'n vinger koud van bloed.
Hamer wil net steek,
Soos 'n angel moordbeneuk,
Op die rug van 'n yster skerpioen.
In 'n asem klap die knel.
Die teiken val soos vel.
Kryger rus.
Die weerlig sal vertel,
Van 'n mik so sekuur
In die grys oggenduur,
Die wêreld suis,
Soos bokvet op die vuur.
